Эрдэнэ сангаас Д.Жигжидийн нэрэмжит КУДС- ийн номын санд ном бэлэглэв

Сэнгийн ЭРДЭНЭ

1929-2000

Үргэлжилсэн үгийн зохиолч, яруу найрагч, жүжиг, киноны зохиолч.

Монгол Улсын Төрийн шагналт (1965). Ардын уран зохиолч (1994).

С.Эрдэнэ 1929 оны 12-р сарын 7-нд Хэнтий аймгийн Биндэр суманд төржээ.

1949 онд Улаанбаатар хотноо Д.Сүхбаатарын нэрэмжит офицерийн сургууль, 1955 онд Монгол Улсын Их Сургуулийн Анагаах ухааны факультетыг тус тус төгсчээ. Сүхбаатарын одон, Хөдөлмөрийн гавъяаны улаан тугийн одон, Алтан гадас одон болон ойн медалиудаар шагнагдсан юм. 1995 онд ардын уран зохиолч цол хүртжээ.

1949 оноос эхлэн уран зохиол бичих болжээ. “Утга зохиол урлаг” сонин, ”Цог” сэтгүүлийн ерөнхий эрхлэгчээр олон жилийн турш ажилласан. С.Эрдэнэ орчин үеийн монголын үргэлжилсэн үгийн том зохиолчдын нэг юм.

С.Эрдэнийн өгүүллэгүүд нь уянгын шинжтэй бөгөөд орчин үеийн хүний дотоод сэтгэхүйг нээн үзүүлэхэд чиглэсэн өвөрмөц онцлогтой, бие даасан үзэгдэл болж монголын утга зохиолд орсон юм.

Эрдэнэ сангаас Д.Жигжидийн нэрэмжит КУДС- ийн номын санд С.Эрдэнэ агсны уран бүтээлийн дээжс болох 20 төрлийн 60 ширхэг номоор бэлэг барилаа.