1. Уралдааны зорилго
Хүн хүнээ хайрлах эерэг мессежийг нийгэмд кино урлагаар дамжуулан хүргэх, кино урлагийг шимтэн сонирхдог залуусыг дэмжихэд оршино.
2. Шагналын сан
- 1-р байр- 3″000″000 төгрөг 1 оролцогч
- 2-р – 2″000″000 төгрөг 1 оролцогч
- 3-р байр – 1″000″000 төгрөг 1 оролцогч
Тусгай байр- 300″000 төгрөг 3 оролцогч / Like, Share-н тоогоор /-ийг тус тус шагнана. Шагналын дүнд ХХОАТ багтсан болно.
3. Сэдэв
” Хүн хүнээ хайрлая” сэдвийн дор хүн хүнээ хайрлахын утга учир, хүний сайхан сэтгэлийг хайрлуулахыг зорьсон байна.
4. Хугацаа
Бүтээл хүлээн авах- 2015 /10/22- 2015/11/132-ны өдрийг дуустал ажлын өдөр бүр 09:00-18:00 цагийн хооронд хүлээн авна.
Эцсийн шалгаруулалт – 2015/11/21-ний өдөр болно.
5. Оролцогчид тавигдах шаардлага
- Бид энэхүү уралдаанд нас, хүйс, мэргэжлийн шаардлага тавихгүй тул оролцохыг хүссэн хэн бүхэнд нээлттэй байна.
- Багаар болон ганцаарчилсан хэлбэрээр оролцож болно.
- Багаар оролцож байгаа бол багтаа нэр өгсөн байна.
- Баг болон хувь оролцогчийн бүтээлийг биеэр авчирч өгөх этгээд нь тухайн бүтээлийн продюсер байна.
Оролцогчид бүтээлээ өгөхөөр ирэхдээ:
- Бүртгэлийн хураамж 10,000 төгрөг
- Зохиол /А4-н цаасан дээр шивж хэвлэсэн байна/
- Бүтээл /Флаш дискэнд хуулж авчирна/
- Бүртгэлийн маягт бөглөн авч ирнэ.
Материалыг хүлээн авах хаяг: Сүхбаатар дүүрэг, 1-р хороо, Скайплаза төв, D kорпус, 4 давхарт 4 тоот
6. Бүтээлд тавигдах шаардлага
- Бүтээл нь уралдааны хүрээнд нийцсэн сэдэвтэй байх
- Бүтээл нь оюуны өмчийн ямар нэгэн асуудалгүй байх. Бүтээлтэй холбоотой оюуны өмчийн аливаа асуудалд Жүр үр компани болон Лупа компани хариуцлага хүлээхгүй болно.
- Бүтээл нь өмнө нь хийгдээгүй, олон нийтэд танилцуулагдаж байгаагүй байх
- Бүтээл нь архи, тамхи, садар самуун сурталчилсан утга, агуулгагүй байх
- Хувь хүний нэр хүнд, хувийн нууцтай холбоотой, хууль зөрчсөн бүтээлийг хүлээн авахгүй
- Үргэлжлэх хугацаа 1-5 минутанд багтсан байна.
- Зохиолыг А4-н цаасан дээр шивсэн байна.
- Зөвхөн видео төрлөөр стандарт дэлгэцэнд зориулан гүйцэтгэсэн байх ба бүтээлийг HD төрлөөр хадгалсан байна. Аудио дуугаралт стерео болон түүнээс дээш чанартай байна.
- Бүтээлийн ажлын файл болон гүйцэтгэлийн файлыг хамт авчирна.
Видео файлын формат нь Full HD mp 4 өргөтгөлтэй байна.Жич: Уралдаанд ирүүлсэн аливаа бүтээлийг Жүр үр компани болон Лупа компани өөрсдийн сурталчилгаандаа ашиглах бүрэн эрхтэй байна.
Leave a Reply