Адтай ааль, ялдам шинжийн цаана бүсгүй хүн бүрийн дотор хувирашгүй бат бэх хэрнээ аядуу зөөлөн хүч бий шиг санагдана. Бүхнийг гэрэлтүүлж, дотно дулаан болгох идтэй тэр хүчийг зураач Б.Баярт-Одын бүтээлүүд мэдрүүлнэ. Монгол зургийн аргаар туурвисан түүний зургуудад талын монгол айлын өдөр тутмын амьдрал, нүүдэлчдийн ахуй үзэгддэг. Харин тогтож ажваас магад өдөр бүр нэг л янзаар үргэлжлэх тэр хэмнэл сэтгэл татмаар тайван, энгүүн санагдах бөгөөд гагц эмэгтэй хүн ийм байдлыг авчирдаг хэмээн тэрбээр зургуудаа тайлбарласан юм. Тод өнгөөр гэрэлтсэн түүний бүтээлүүдэд монгол бичгээр бичсэн үгс ч цөөнгүй үзэгдэх нь монгол газар шороо, өв соёлыг бэлгэдэж буй хэрэг аж. энэхүү сайхан уран бүтээлээрээ “Үлэмжийн чанар” нэртэй үзэсгэлэнгээ 2014.03.03-нд 976 Art Gallery-д уран зургийн гайхамшигт ертөнцөөр аялахыг хүсэгч хүн бүхэнд нээлттэй болох юм. Нэмж дуулгахад нээлтийн бэлэг: “Моханик” хамтлагийн Даваа нээлтэн дээр этно рок баллад “Зөөлөн шивнээ”-ээр unplugged ганцхан “shot” бэлэглэх юм байна.
“Үлэмжийн чанар” үзэсгэлэнгийн нээлт
Leave a Reply